Oz datti tomatas cun robiola, chomma-portg cun risot da bulieu-tschep e sorbet d'iva cun grappa nostrana – exact uschia ston ils giasts dal Grotto Ca'Nostro ad Orselina sur Locarno empustar lur menu da gentar, uschiglio na datti nagut. Perquai che uschiglio na chapescha lur camarier nagut. Perquai che lez è atgnamain gnanc in camarier, gea el n'è gnanc in Tessinais ed en mintga cas betg in Talian. Igl è noss redactur Flavio Deflorin che na chapescha strusch in pled talian che mussa oz als giasts en il Grotto co ch'els pon empustar in menu per rumantsch.
RR actualitad 08:00++