Siglir tar il cuntegn
cuntegn

Rumantsch, what else? Purtar il hashtag #rumantsch en il mund

Segund di da la conquista: Noss redacturs che vulan far la Svizra pli rumantscha èn oz sin via a Lucerna, cun els in grond placat cun il messadi «#rumantsch, what else?»

Legenda: Guardar il video Rumantsch, what else? Lucerna e ses turists è stà la nova sfida. Durada 01:24 minutas.
Or da Telesguard dals 09.10.2018.

La Kappelbrücke a Lucerna è segir e franc in dals sujets ils pli savens fotografads da la Svizra. Perquai han noss trais redacturs, en viadi quest'emna per mussar al rest da la Svizra che nus na dastgain betg vegnir emblidads, pensà da nizzegiar quest fatg cun «bombar» las numerusas fotografias che vegnan fatgas mintga di da la punt renumada.

Cun in grond placat cun si il #rumantsch ed il messadi «rumantsch, what else?» siglian els davant las fotografias ed emprovan da persvader ils turists da lura er far in post da las fotografias cun il hashtag «rumantsch».

Ils bratschlets e lur novs amis

Nus n'avain betg mo repartì il hashtag, mabain era noss bratschlets d'amis che bleras scolaras e scolars en il Grischun han fatg.

Visitas nunspetgadas

Il mardi en damaun avain nus survegnì tut surprendentamain in telefon dals collegas dal Regionaljournal Zentralschweiz. Els avessan gust da rapportar da noss'acziun han els ditg, Ed uschia han els visità nus tar la Kapellbrücke.

2 persunas fan in'intervesta
Legenda: Paula Nay dat scleriment al schurnalist dal Regionaljournal RTR, Flavio Deflorin

RR actualitad 08:00++

Rumantsch, what else?

Rumantsch, what else?

La Svizra duai daventar pli rumantscha e la Rumantschia duai survegnir dapli amis.

Tut las istorgias.