Siglir tar il cuntegn

Header

cuntegn

Rumantsch, what else? #rumantsch en visita: Tar Anic da SRF3 ed il Migros St. Fiden

Cun l'acziun «Rumantsch, what else?» vul RTR far pli enconuschent il rumantsch en il rest da la Svizra. Ina squadra da RTR ha surpiglià quella missiun: Il glindesdi eran las musketieras rumantschas en acziun a Son Gagl.

Curt suenter las trais il suentermezdi han ins udì sin SRF3 «Stai si Rumantschs, defenda tes vegl linguatg»: La moderatura Anic Lautenschlager ha survegnì ina visita betg spetgada e cun canera da RTR.

video
#rumantsch tar SRF 3
Or da RTR dals 09.10.2018.
laschar ir. Durada: 1 minuta 31 Secundas.

Anic Lautenschlager ha discurrì cun Sabrina Bundi davart il maletg dal rumantsch tar blera glieud en la Bassa ed en las ulteriuras regiuns linguisticas.

Rumantsch en il Migros a Son Gagl

«Preziada clientella, be oz datti in'acziun speziala. Tgi che chapescha numnadamain questa annunzia po vegnir tar l'infurmaziun per ina tschigulatta», uschia hai tunà tras il microfon dal Migros St. Fiden a Son Gagl. Vegnì per la tschigulatta n'è dentant lura nagin.

video
Rumantsch, what else? L’emprim stop en ina Migros a Son Gagl
Or da Telesguard dals 08.10.2018.
laschar ir. Durada: 2 minutas 32 Secundas.

In zic curius ha la clientella dal Migros St. Fiden a Son Gagl dentant lura tuttina guardà, cura che nossa collavuratura Sabrina Bundi è vegnida pli offensiva. Ella n'ha betg be dà atras acziuns, mabain schizunt beneventà ils clients ed incassà per rumantsch. «Bain, quai è ina bella lingua» è stà il tenor.

E tgi sa, forsa che insaquants patratgan er tar las proximas cumissiuns vi dals Rumantschs.

RR actualitad 08:00 ++

Rumantsch, what else?

Avrir la box Serrar la box

La Svizra duai daventar pli rumantscha e la Rumantschia duai survegnir dapli amis.

Tut las istorgias.

Artitgels legids il pli savens