Siglir tar il cuntegn
cuntegn

Rumantsch, what else? Vul ti er in ami ubain in'amia rumantscha?

«Rumantsch, what else?», nossa acziun per derasar il rumantsch en l'entira Svizra è a fin. Noss redacturs han tschertgà massa novs amis ed amias. Sonda èn els turnà da Berna. Lur facit da l'emna da questa acziun a favur dal Rumantsch.

Legenda: Guardar il video Rumantsch, what else? reparta 500 bratschlets d’amis a Berna. Durada 01:57 minutas.
Or da Telesguard dals 12.10.2018.

Il venderdi è stà l'ultim di da l'acziun «Rumantsch, what else?» – ed era temp per chattar amis ed amias.

Ti fas in per mai ed jau fatsch in per tai? Uschia faschevan ins pli baud novs amis ed amias, cun far bratschlets d'amicizia in per l'auter. Ed exact uschia han er noss redacturs da RTR vulì chattar il venderdi, l'ultim di da l'acziun «Rumantsch, what else?» massa novs amis ed amias per la Rumantschia.

Numerusas scolas grischunas han fatg bels bratschlets, e quels èn vegnids repartids a Berna. E natiralmain han ils novs amis era stuì far in bratschlet en return. RTR è sa postà sin la staziun a Berna cun in stand e la Microlotta, ed ha animà ils novs amis dad era trametter in bratschlet enavos ad in uffant grischun.

Rumantsch, what else?

Rumantsch, what else?

La Svizra duai daventar pli rumantscha e la Rumantschia duai survegnir dapli amis.

Tut las istorgias.

RR actualitad 08:00