Siglir tar il cuntegn

Header

cuntegn

Qua na sun jau anc mai stà Tar ils mulins da glatsch sur Trin

Ils mulins da glatsch sur l’Alp Mora a Trin n’èn betg mo insatge fitg bel per ils egls. Las rusnas en il grip envidan da dis chauds era da far bogn. Oz visitain nus ils mulins.

Per tgi che abita en Surselva e va gugent a viagiar èn ils mulins da glatsch sur l’Alp Mora bunamain in 'must', in lieu il qual i vala da visitar. Noss reporter Ursin Lechmann fa quai oz e prenda cun vus sin quest viadi.

Per arrivar tar ils mulins da glatsch datti differentas pussibilitads. Ina via cumenza a Bargis sur Fidaz. L’autra maina davent da Trin sin l’Alp Mora e davent da là enfin ils mulins. Questas duas laschan era sa cumbinar. Davent da Bargis maina la via a pe siadora. Davent da Trin pon ins ir a pe ni cun auto. Sch’ins vul ir cun auto ston ins cumprar tar la chanzlia communala ina lubientscha da charrar. Van ins cun igl auto enfin l’Alp Mora, restan sulet rodund 30 minutas viadi a pe.

Maja Stiefenhofer maina era turists tar ils mulins da glatsch. Per ella, oriunda da Trin, in lieu fitg impurtant.
Legenda: Maja Stiefenhofer maina era turists tar ils mulins da glatsch. Per ella, oriunda da Trin, in lieu fitg impurtant. RTR, Ursin Lechmann

Dependent da naiv ed urizis

Actualmain èn las foras, ils mulins bain emplenids cun aua. Quella na curra dentant betg. Tenor Maja Stiefenhofer che maina sco guida era turists tar ils mulins da glatsch è quai fitg dependent da la naiv e d'urizis. L'enviern passà haja quai dà be pauca naiv ed uschia na sajan er il mulins betg stads emplenids bain la primavaira. Entant èn els bain emplenids ma tenor Maja Stiefenhofer n'ha quai betg da memia aua. E perquai che l'aua stat en ils mulins l'entira stad sa stgauda quella er uschia ch'igl è pussaivel da far in bogn lien.

video
Ursin en il mulin da glatscher
Or da Actualitad dals 18.07.2017.
laschar ir. Durada: 20 Secundas.

RR actualitad 08:00 +

Artitgels legids il pli savens