2 x Nadal - 2 x Nadal a Vella

1 / 14

Legenda: Regals per pitschens e gronds. RTR, M. Lombriser

2 / 14

Legenda: Ils ustiers da l'ustaria Posta a Vella, Prisca e Gian Ragettli-Capeder. RTR, M. Lombriser

3 / 14

Legenda: Flora Tomaschett ha purtà andutgels da la Lumnezia. RTR, M. Lombriser

4 / 14

Legenda: 281 kg regals èn vegnids ensemen a Vella: Grazia fitg! RTR, M. Lombriser

5 / 14

Legenda: Maria Alig e Julia Caminada da cumpagnia a baiver café. RTR, M. Lombriser

6 / 14

Legenda: In'auditur che sa regorda da temps ch'i era scart er tar nus. RTR, M. Lombriser

7 / 14

Legenda: Chalzers novs per uffants, café ed in radio da donaturas generusas. RTR, M. Lombriser

8 / 14

Legenda: Pia Bruderer da Vella è era vegnida cun tastgas plainas. RTR, M. Lombriser

9 / 14

Legenda: Monica Capaul e Walter Collenberg dal Volg a Vella han purtà regals. RTR, M. Lombriser

10 / 14

Legenda: I ha duvrà 26 stgatlas per pachetar las donaziuns. RTR, M. Lombriser

11 / 14

Legenda: Antonia Caduff gida da far ils pachets. RTR, M. Lombriser

12 / 14

Legenda: Maria Alig pacheta blera pasta en la stgatla gronda. RTR, M. Lombriser

13 / 14

Legenda: Tants buns gidanters portan ils 26 pacs a la posta. RTR, M. Lombriser

14 / 14

Legenda: La "Ustria dalla Posta" a Vella. M. Lombriser

Abitants e giasts da Vella èn vegnids en rotschas cun tastgas plainas e pachets en tuttas furmas. La moderatura Marionna Lombriser ha pudì prender encunter ina pluna pachets per l'acziun. Total èsi vegnì ensemen 281 kg rauba. Il suentermezdi èn uschia 26 pachets ids sin posta.

Marionna Lombriser ha er gì la chaschun da discurrer cun plirs visitaders e cun ils manaders da la «Ustria dalla Posta» a Vella. L'ustier Gian Ragettli-Capeder è cuntent cun il manaschi en la pli veglia ustaria da Vella.

Suenter las nov èn set scolars da Pierina Cabalzar arrivads en l'ustaria. Els avevan gist scola da cuschinar ed han purtà punsch, ris, levon, zutger da vaniglia, farina e pulvra da zutger. Tut rauba ch'era restada enavos da lur festa da Nadal.

Maria Alig e Julia Caminada èn duas audituras dal RR che han gì cletg. Dunna Alig aveva gudagnà in pachet d'Advent en il radio e dunna Caminada aveva pudì regalar la cuppina dal RR. Sco engraziament han ellas decidì da purtar insatge per l'acziun 2x Nadal.

Placi Degonda da la Crusch Cotschna Grischuna ha declerà tge products che vegnan rimnads e nua ch'els sa tschentan.