Siglir tar il cuntegn

Header

cuntegn

2 x Nadal «2 x Nadal – parter e far plaschair»

La SRG SSR, la Posta Svizra e la Crusch Cotschna Svizra èn purtadras da l’acziun 2 x Nadal. Dapi 1997 appellescha 2 x Nadal onn per onn durant il temps da Nadal e Bumaun da regalar pachets.

Il cuntegn va per la mesadad a persunas basegnusas en Svizra, l’autra mesadad va en pajais da l’Europa Orientala, nua che societads localas da la Crusch Cotschna repartan las donaziuns als umans basegnus.

audio
Bunura: 2 x Nadal – con pon ins parter e far plaschair
ord Actualitad dals 24.12.2015.
laschar ir. Durada: 3 minutas 12 Secundas.

Ils onns passads ha 2 x Nadal survegnì mintgamai passa 70'000 pachets cun victualias e rauba per il mintgadi. Ultra da quai datti er la pussaivladad da prender part a las collectas cun pachets online. Cun questas donaziuns vegnan victualias cumpradas e repartidas cunzunt en l’Europa Orientala.

2 x Nadal – Grazia per Voss pachet!

Regalar pachet online

Avrir la box Serrar la box

Vus pudais era regalar in pachet per 20.-, 50.- u 100.- francs. Ubain decidi sezs la summa. Quai sur la plattafurma da 2 x Nadal.

In pachet en la valur da CHF 20.- po per exempel cuntegnair: 1 kg farina, 1 kg zutger, 1 kg spaghettis, 1 kg ris, 1 tavla tschigulatta, 1 tuba pasta da dents ed in bloc da dissegnar.

Tge tutga en in pachet?

L’experientscha dals onns passads ha mussà che umans èn oravant tut leds da survegnir chaussas sco:

  • Victualias che na van a mal sco pasta, ris, ieli e conservas conservablas anc silmain 6 mais
  • Artitgels d’ igiena e da tualetta sco savun, schampo u pasta da dents
  • Material da scola e da papetaria per uffants
  • Chalzers d'uffants novs

Per plaschar betg regalar:

Na regalai betg vestgadira. Quai fa la rimnada da vestgadira vedra ed ultra da quai chaschuna la zavrada bler lavur. Tar animals da plisch per ils uffants datti adina puspè dapli regals che giavischs.

Nua pos jau surdar ils pachets?

Pachets pon vegnir surdads dals 24 da december 2015 fin ils 9 da schaner 2016 gratuitamain tar mintga uffizi postal. Ils uffizis da posta han gia preparà etichettas d’adressa prestampadas. Schai simplamain «2 x Nadal». Il pachet na dovra in pachetadi spezial. Ina stgatla simpla ch’ins po serrar bain tanscha.

Artitgels legids il pli savens