Siglir tar il cuntegn

Header

cuntegn

Acziuns RTR Chalender d'advent auditiv: Porta 24

In chalender d’advent duai scursanir cun pitschnas surpraisas il temp ch’ins spetga enfin ch’igl è Nadal. Ils emprims chalenders d’advent èn dal 19avel tschientaner. Davos mintga porta spetga ina pitschna surpraisa or da noss archiv.

  • 1. Porta 24

    Maria ha parturì il bambin en in clavà. Agid ha ella mo gì da sontg Giusep. Ozendi èn las mammas ledas sch'ellas vegnan accumpagnadas da medis u spendreras.
    audio
    Porta 24: Spendrera
    ord RTR Audio dals 28.11.2016.
    laschar ir. Durada: 1 minuta 36 Secundas.

  • 2. Porta 23

    Suenter la festas da Nadal e da l’onn nov, visitan mintgamai ils sontgs retgs ils abitants dals vitgs, per chantar e rimnar daners per ina buna chaussa. Quai è in vegl usit ch'è per cletg sa midà cun il temp.
    audio
    Porta 23: Sontgs retgs
    ord RTR Audio dals 16.12.2016.
    laschar ir. Durada: 1 minuta 47 Secundas.

  • 3. Porta 22

    Savens spetgan els sut il pignol, ils regals, e da Nadal astgan ins avrir els. Pli baud vegniva dentant dà in regal pir il di da Bumaun.
    audio
    Porta 22: Bumaun
    ord RTR Audio dals 16.12.2016.
    laschar ir. Durada: 2 minutas 2 Secundas.

  • 4. Porta 21

    Chandailas, ellas èn anc adina impurtantas da Nadal, dentant adina pli e pli pauc. Savens vegnan ellas remplazzadas cun chandailas artifizialas, che na brischan betg. Avant onns era quai auter.
    audio
    Porta 21: Chandailas
    ord RTR Audio dals 16.12.2016.
    laschar ir. Durada: 1 minuta 53 Secundas.

  • 5. Porta 20

    Nadal n’è betg mo il temp da la charezza, da la glisch e dals regals, Nadal porscha era la chaschun da patratgar vi dad auters, sur tut vi da quels, che n’han betg tant sco ins sez. L'acziun "2 giadas Nadal" gida da far in plaschair a quels che n’han pauc u memia pauc.
    audio
    Porta 20: 2x Nadal
    ord RTR Audio dals 16.12.2016.
    laschar ir. Durada: 1 minuta 40 Secundas.

  • 6. Porta 19

    Tar pignols na s'audan betg mo bellas ruclas e chandailas ni chazzolas, era la stalla da Nadal s'auda en bunamain mintga stiva. Las figuras da la stalla pon esser da lain, fil, taila, arschiglia u plastic, las variantas èn infinitas.
    audio
    Porta 19: Stalla
    ord RTR Audio dals 12.12.2016.
    laschar ir. Durada: 1 minuta 59 Secundas.

  • 7. Porta 18

    "Clara notg" è para la pli renumada chanzun da Nadal sin l’entir mund. Ella è vegnida cumponida l’onn 1818 en l'Austria, e davent da là ha ella fatg furora sin l’entir mund.
    audio
    Porta 18: Clara Notg
    ord RTR Audio dals 12.12.2016.
    laschar ir. Durada: 2 minutas 24 Secundas.

  • 8. Porta 17

    Ina buna tschavera s'auda tar la festa da Nadal. En Tiara Tudestga vegn tradiziunalmain cuschinà in'anda, en la Gronda Bretagna in galdin. En Svizra na datti betg la spaisa tradiziunala. Co san ins preparar ina buna spaisa, senza vegnir el stress?
    audio
    Porta 17: Cuschinar
    ord RTR Audio dals 12.12.2016.
    laschar ir. Durada: 1 minuta 38 Secundas.

  • 9. Porta 16

    Pasca, Tschuncaisma e Nadal èn las pli impurtantas festas da l’onn ecclesiastic. Festivà vegn Nadal sin l’entir mund, dentant a moda e maniera differenta.
    audio
    Porta 16: Messa
    ord RTR Audio dals 12.12.2016.
    laschar ir. Durada: 1 minuta 38 Secundas.

  • 10. Porta 15

    In bel pignol decorà na lascha betg mo traglischar ils egls dals uffants, era per blers creschids tutga il pignol simplamain tar la festa da Nadal. Quai n’era dentant betg adina uschia.
    audio
    Porta 15: Pignol
    ord RTR Audio dals 12.12.2016.
    laschar ir. Durada: 1 minuta 37 Secundas.

  • 11. Porta 14

    Temp d'advent munta era temp da decoraziun. Tut traglischa ed è plain colurs. Daco betg ina giada crear sez cun ils uffants bel urden da decoraziun che savura anc bain?
    audio
    Porta 14: Zambregiar
    ord RTR Audio dals 09.12.2016.
    laschar ir. Durada: 1 minuta 44 Secundas.

  • 12. Porta 13

    Regals da Nadal, els fan tschaffen, a quels che survegnan ils regals sco era a quels che regalan els. Dentant n’è quai betg adina uschè simpel da lignar, tge che tschel avess gugent. E tge regalan ins ad insatgi che ha gia tut? Problems ch'i na deva betg pli baud.
    audio
    Porta 13: Regals
    ord RTR Audio dals 09.12.2016.
    laschar ir. Durada: 1 minuta 32 Secundas.

  • 13. Porta 12

    In tschert fried en il nas po magari evocar ina ferma regurdientscha, ins è immediat en ina tscherta situaziun. Cun il fried da biscuits è quai exact uschia, blers sa regordan dal temp d’advent.
    audio
    Porta 12: Biscuits
    ord RTR Audio dals 04.12.2016.
    laschar ir. Durada: 1 minuta 54 Secundas.

  • 14. Porta 11

    Uschè spert sco i vegn stgir vegn cumbattì la stgiradetgna cun illuminaziun da Nadal. Chazzolas da vias vegnan decoradas, pignols glischan en tuttas colurs, chasadas preschentan stailas, son Niclàs ed autras decoraziuns.
    audio
    Porta 11: Illuminaziun da Nadal
    ord RTR Audio dals 04.12.2016.
    laschar ir. Durada: 1 minuta 57 Secundas.

  • 15. Porta 10

    In bel pignol cun ruclas da Nadal e glisch fa traglischar ils egls. In zic privlus èsi dentant sche la glisch deriva da chandailas. Quellas pon spert dar fieu al pignol. Lura èsi da clamar ils pumpiers. Dentant daco prestan ils voluntaris atgnamain servetsch da pumpiers?
    audio
    Porta 10: Pumpiers
    ord RTR Audio dals 03.12.2016.
    laschar ir. Durada: 1 minuta 46 Secundas.

  • 16. Porta 9

    Il Grischun è fitg musical. Sur tut il temp d’advent pon ins visitar intgins concerts. Dentant èsi adina pli difficil da chattar dirigents e dirigentas. Tge animescha ina persuna giuvna da fundar in chor ed investir il temp liber per diriger e cumponer chanzuns?
    audio
    Porta 9: Dirigent
    ord RTR Audio dals 03.12.2016.
    laschar ir. Durada: 1 minuta 19 Secundas.

  • 17. Porta 8

    In regal da Nadal per il bab è nizzas da far la barba u in bel penel per la stgima. Dentant daventa quest classicher pli e pli nunnecessari. Laschar crescher la barba è numnadamain in.
    audio
    Porta 8: Barba
    ord RTR Audio dals 03.12.2016.
    laschar ir. Durada: 1 minuta 52 Secundas.

  • 18. Porta 7

    Temp d’advent senza far biscuits è sco Nadal senza pignol. Ì dat dentant persuna che na dastgan betg mangiar biscuits che cuntegnan farina, perquai ch’els han celiachia ed èn allergics sin glutin. Ì dat dentant ina soluziun.
    audio
    Porta 7: Glutin
    ord RTR Audio dals 28.11.2016.
    laschar ir. Durada: 1 minuta 38 Secundas.

  • 19. Porta 6

    Son Niclà sa tut. El na di betg mo als uffants tge ch’els han fatg bain e tge betg, el observa era la societad. E lura di el en ses oremus, tge che fiss da far meglier.
    audio
    Porta 6: Son Niclà
    ord RTR Audio dals 28.11.2016.
    laschar ir. Durada: 2 minutas 1 Secunda.

  • 20. Porta 5

    En il temp da vacanzas han ins forsa peda da visitar in ni l’auter museum. Ina giada dastgar exponer en il museum d’art dal Grischun è in siemi da blers artists ed artistas. E gist il temp d’advent è la schanza gronda da laschar ir en vigur quest siemi.
    audio
    Porta 5: Museum d'art
    ord RTR Audio dals 28.11.2016.
    laschar ir. Durada: 1 minuta 29 Secundas.

  • 21. Porta 4

    Il temp d’advent è era il temp per festas da fatschenta. Savens datti là era alcohol en abundanza. Dentant adatg! Baiver memia bler tar ina tala occurrenza e malsegir.
    audio
    Porta 4: Festa da fatschenta
    ord RTR Audio dals 28.11.2016.
    laschar ir. Durada: 1 minuta 29 Secundas.

  • 22. Porta 3

    Las colurs tradiziunalas da Nadal èn cotschen, aur e verd. Cotschen simbolisescha il sang da Cristus, aur la glisch e verd la vita. Ì dat dentant persunas che na san betg differenziar tranter cotschen e verd.
    audio
    Porta 3: Colurs
    ord RTR Audio dals 28.11.2016.
    laschar ir. Durada: 1 minuta 28 Secundas.

  • 23. Porta 2

    Temp d’advent munta era temp per far biscuits. Intgins recepts prevesan era ch’ins dovri tschigulatta u pulvra da cacau. Dentant lezza vegn pli e pli stgarsa.
    audio
    Porta 2: Tschigulatta
    ord RTR Audio dals 28.11.2016.
    laschar ir. Durada: 1 minuta 33 Secundas.

  • 24. Porta 1

    Far termagls en la naiv fa plaschair a pitschen e grond. Bajegiar in iglu è dentant ina sfida.
    audio
    Porta 1: Iglu
    ord RTR Audio dals 28.11.2016.
    laschar ir. Durada: 1 minuta 34 Secundas.

Artitgels legids il pli savens

Scrollar a sanestra Scrollar a dretga