Dad autopurtrets sur maletgs abstracts enfin maletgs cun motivs da la natira – quest onn è la fatschada da la chasa da medias RTR durant il temp d'advent colurada e plain fantasia. Quai grazia a 24 maletgs da las scolaras ed ils scolars da la scola d'art a Cuira ch'els han creà durant lur studi. Mintga maletg è in unicat e signifitga adina insatge auter.
Ils maletgs er online
Enfin ils 31 da december èn ils maletgs da vesair sin las fanestras da la chasa RTR a Cuira. Mintga saira a partir da las 18:00 vegn illuminà.
Per tgi che na po betg guardar ils maletgs persunalmain, po contemplar qua tut las fanestras en la gallaria da fotografias.
RTR giavischa bellas festas da Nadal!