Dal lontan el Grischun - Da Corfu a Zuoz – i dat era bleras parallelas

Jeff Lleshi è creschì si a Corfu en in pitschen vitg, cun la racolta dad ulivas, la pestga e la natira. El vesa bleras parallelas tranter sia patria en Grezia e la nova patria en l'Engiadina.

audio

Bunura: Dal lontan el Grischun – Jeff Lleshi

04:06 min, aus Actualitad vom 02.03.2018.

abspielen. Laufzeit 4 minutas 6 Sekunden.

Là ha el pudì realisar in siemi. Da ses hobi ha el fatg sia professiun. En sia gallaria a Zuoz venda el oz art ch'el ha fatg da laina da grava. Laina da la Grezia e laina da l'Engiadina. Uschia sa sentia el fitg bain en la gallaria. Material dad omaduas patrias.

Vegnì en l'Engiadina è Jeff Lleshi, perquai ch'el è s'inamurà. Ensemen cun sia dunna ha el vivì ils emprims dus onns en Svizra ed en Grezia. Ma insacura saja stà da sa decider.

Maletg 1 / 4

Legenda: Maisas, supias ed objects da decoraziun. Laina, vaider ed atschal èn ils materials preferids. RTR / Esther Berther

Maletg 2 / 4

Legenda: Cun ina sort rascha fa Jeff Lleshi maisas. Il lain ha el chattà en Grezia. RTR / Esther Berther

Maletg 3 / 4

Legenda: Laina da grava da la Grezia e da l'Engiadina èn la basa. Il lain en cumbinaziun cun auters materials furman ils objects. RTR / Esther Berther

Maletg 4 / 4

Legenda: Jeff Lleshi ha chattà ina nova patria en Engiadina. Creschì si è el a Corfu en Grezia. RTR / Esthe Berther

RR actualitad 07:00