Emissiun 11:00 – 12:00 - Quai èn stads voss salids, engraziaments e giavischs
Temp d'advent e Nadal è normalmain il temp da cuminanza e solidaritad. Quest onn è quai pervi dal coronavirus dentant auter. Sin las undas rumantschas avais vus perquai pudì salidar, engraziar e giavischar, quai dals 21 enfin ils 24 da december.
Durant quatter emissiuns da radio «RTR ensemen cun vus vers Nadal» ha RTR creà cuminanza e dà ina baterlada cun audituras ed auditurs. Discurrì davart las preparativas da Nadal, davart ils menus festivs ed ils regalins ch'èn quest onn sut il pignol. Pervi da la crisa da corona stattan er il temp d'advent e Nadal sut ina ensaina differenta. Festas èn pli pitschnas e preparativas in pau spezialas che dovran creativitad e novas furmas.
