Siglir tar il cuntegn

Header

cuntegn

Emissiun per uffants Gian-Marco Maissen è nov moderatur Minisguard

A partir da l'atun 2020 stat ina nova fatscha avant la camera dal Minisguard. Gian-Marco Maissen è il nov moderatur. El succeda ad Ivo Orlik che ha bandunà RTR il zercladur.

Gian-Marco Maissen
Legenda: Gian-Marco Maissen RTR

Gian-Marco Maissen (27) è creschì si a Puntraschigna e lavura dapi il 2013 tar RTR. Tranter auter è el enfin uss stà reporter ed el ha er moderà al radio. Dapi il 2017 lavura el en la redacziun giuvna da Battaporta/Minisguard e per il team da social media. A partir da l'atun 2020 è el er da vesair sco moderatur dal Minisguard.

«Uffants tschentan las pli bellas dumondas. Ellas èn sinceras e directas. Mintgatant simplas da respunder e mintgatant fitg cumplexas. Il Minisguard declera exact questas grondas e pitschnas dumondas da la vita. Jau hai grond gust da pudair en futur respunder als uffants uschia bleras dumondas sco mo pussibel.», di Gian-Marco Maissen, nov moderatur Minisguard.

Minisguard

Avrir la boxSerrar la box

Il «Minisguard» è l’emissiun d’infurmaziun da RTR per uffants, mintga sonda a las 17:40 sin SRF1, online sin rtr.ch/minisguard ubain sin YouTube, il link avra en ina nova fanestraavrir en il browser survegnan ils uffants ina survista da quai ch’è succedì en lur regiun, en il chantun, en Svizra, a l’exteriur e da quai che occupa il mund.

Artitgels legids il pli savens

Scrollar a sanestra Scrollar a dretga