L'ovra atomara Fessenheim en l’Alsazia è dapi glindesdi saira las 23:00 dal tut da la rait. Lura è era il segund reactur da l’ovra atomara la pli veglia da la Frantscha vegnì separà da la rait electrica.
L'emprim reactur aveva il concern d’energia franzos EDF gia prendì ord funcziun il favrer. Ils proxims tschintg onns prepara il concern la demontascha da l’ovra. Fin che tut ils indrizs da l’ovra atomara èn lura allontanads, vai anc ina giada 15 onns.
Lunga resistenza
L’ovra da Fessenheim che sa chatta mo 40 kilometers davent dal cunfin svizzer – valeva dapi decennis sco factur da ristg. Dapi ditg avevan activists svizzers e tudestgs cunter l’atom pretendì, che la Frantscha prendia ord funcziun l’ovra. En funcziun era quella ida l’onn 1977.
SRF ha rapportà da l'emprim reactur ord funcziun:
video
Der erste Reaktor des Atomkraftwerks Fessenheim ist abgeschaltet
Or da Tagesschau dals 22.02.2020.
laschar ir. Durada: 5 minutas 16 Secundas.
