Siglir tar il cuntegn

Header

video
Brunch spezial: Pancakes cun ovs
Or da Battaporta dals 10.04.2020.
laschar ir
cuntegn

Lunch cun Livio Brunch spezial: Pancakes cun ovs

In brunch communabel durant la fin d’emna è ina bella occasiun dad empruvar ora insatge ch’ins n’ha anc mai cuschinà. Co fissi cun pancakes cun ovs? Il recept perfect, sche ti has memia blers ovs da Pasca.

Quai dovras ti per per 6 pancakes:

Garnitura

  • 100g chaschiel frestg granulà
  • ½ tschadunin mustarda
  • 3 tschaduns tschagugliuns taglià fin
  • in zic paprica
  • in zic sal e paiver
  • 2 ovs cotgs en tocca

Pancakes

  • 40g farina
  • 1 tschadun chaschiel sgrattà (p.ex. parmigiano, sbrinz)
  • ½ tschadunin sal
  • ½ tschadunin pulvra da levon
  • ½ ov
  • 1dl groma ascha mez-grassa
  • in zic sal
  • in zic paintg
  • 60g schambun criv
Las ingredienzas per ils pancakes.
Legenda: Las ingredienzas per ils pancakes. RTR

Uschia fas ti tes menu (temp da cuschinar ca. 30 min.)

Maschadar tut las ingredienzas dal chaschiel fin al paiver ed alura dar tiers ils ovs cotgs. Metter da la vart.

Maschadar farina, chaschiel, sal e pulvra da levon. Parter il mellen ed l’alv d’ov. Maschadar il mellen d’ov e la groma ascha mez-grassa cun la massa. Sbatter l’alv d’ov cun sal e dar tiers la massa.

Stgaudar il paintg en ina chazzetta. Furmar cun la massa preparada 3 purziuns da mintgamai ca. 1,5 tschaduns, metter quellas en la chazzetta e garnir cun ina talgia schambun criv. Smatgar plat ils pancakes e silsuenter laschar brassar 2 minutas sin flomma mesauna. Alura volver ils pancakes. Prender or da la chazzetta e far il medem cun il rest da la massa.

Garnir cun la massa d’ovs e chaschiel e lura servir.

Ils pancakes finids.
Legenda: Ils pancakes finids. RTR

Artitgels legids il pli savens

Scrollar a sanestra Scrollar a dretga