Siglir tar il cuntegn

Header

video
Buddha bowl cun salmun
Or da Battaporta dals 23.04.2020.
laschar ir
cuntegn

Lunch cun Livio Buddha bowl cun salmun

Il num da las «buddha bowls» n’è nagin gag da marketing per far tunar bain ina cuppa da salata. Il num deriva dal budissem, ils muntgs maglian era ord bowls e cun quai recept cuntanschas era ti il «zen».

Quai dovras ti per tia bowl per 2 persunas:

  • 2.5 dl buglion
  • 100g quinoa
  • ½ avocado
  • ½ mango
  • ½ tschagula da primavaira
  • 2 tschaduns sems da sesam
  • 2 tschaduns ieli da sesam
  • 2 tschaduns aschieu da ris
  • 1 tschadun suc da citrona
  • In zic sal e paiver
  • 100g salmun fimentà
Quai dovras ti per tia bowl
Legenda: Quai dovras ti per tia bowl RTR

Uschia fas ti tia bowl (temp da cuschinar ca. 25 min.)

Buglir il buglion cun il quinoa e laschar coier per ca. 25 min. Tagliar l'avocado e la tschagula e maschadar cun il mango. Metter da la vart. Per la sosa maschadar ils sems ed il ieli da sesam cun l’aschieu e la citrona. Maschadar il quinoa cuschinà cun ils legums e metter tiers il salmun. Agiuntar la sosa e servir.

La Buddha bowl finida
Legenda: La Buddha bowl finida RTR

Artitgels legids il pli savens

Scrollar a sanestra Scrollar a dretga