Siglir tar il cuntegn

Header

video
Salata da quinoa cun crevettas
Or da Battaporta dals 31.03.2020.
laschar ir
cuntegn

Lunch cun Livio Salata da quinoa cun crevettas

In menu sanadaivel cun bler creativitad. Ti sas metter en la salata tge che ti vuls, il recept qua è sulettamain ina proposta.

Quai dovras ti per cuschinar per 2 persunas:

Salata

  • 2.5 dl buglion
  • 100g quinoa
  • 1/2 avocado
  • 150g tomatinas
  • 100g izuns
  • 1 tschadun ieli d’ulivas
  • 1/2 citrona
  • in zic sal

Crevettas

  • 4 crevettas
  • 1/2 peperoncino
  • 1/2 tschadun ieli d’ulivas
  • in zic sal
  • in zic peterschigl
Quai dovras ti per la salata da quinoa.
Legenda: Quai dovras ti per la salata da quinoa. RTR

Uschia fas ti tia salata (temp da cuschinar activ: 40 minutas)

Buglir il buglion cun il quinoa e laschar coier per ca. 25 min. Tagliar l’avocado e las tomatinas en tocca pitschna e maschadar cun ils izuns, l’ieli ed il suc e la paletscha dad ina mesa citrona. Salar e metter da la vart.

Tagliar il peperoncino e maschadar cun ieli, sal, peterschigl e las crevettas. Laschar trair intginas minutas. Silsuenter brassar las crevettas.

Prender il quinoa or da la chazzetta, maschadar cun ils legums e metter en ina cuppa. Agiuntar las crevettas e servir.

salata da quinoa cun crevettas
Legenda: La salata da quinoa cun crevettas finida. RTR

Co chattas il recept? Trametta a nus ina fotografia sche era ti has cuschinà il recept! Via Instagram, Facebook u via mail sin social@rtr.ch, il link avra en ina nova fanestra

Artitgels legids il pli savens

Scrollar a sanestra Scrollar a dretga