Siglir tar il cuntegn

Header

video
In sguard en la producziun da té da Ftan
Or da RTR Social dals 16.07.2020.
laschar ir
cuntegn

Acziuns RTR Nus faschain da turists a Ftan

A chaschun da noss'acziun da stad: tes vitg - tia istorgia avain nus tschertgà lieus spezials a Ftan. E quels avain nus era chattà.

Emprema fermada - la stalletta

En butias da San Murezzan fin a Samignun, en hotels e sin fieras sco tar turists ed indigens: il té da Ftan e tschertgà lunsch enturn è vegn vendì en "la stalletta" a Ftan Pitschen. Fatgs vegn el a maun e cun gronda passiun da Silvia Vonlanthen da Ftan cun agid da l'entira famiglia. Silvia Vonlanthen ha cumenzà a producir té da melissa l'onn 2005. Oz venda ella massa differentas sorts da té, divers sirups dad ervas ed auters products da la regiun. Ma cun 60 onns èsi plaunsiu temp per ella da surdar l'affar.

Tgi surpren l'affar cun il té da Ftan?

La fatschenta cun ils tés marscha bain. Ma la dunna che tira ils fils è 60 onns e sa ch'igl è bainbaud temp per ina surdada. Anc na datti nagin successur che vul surprender la producziun da té da Ftan.

video
In sguard en la producziun da té da Ftan
Or da RTR Social dals 16.07.2020.
laschar ir

Secunda fermada - la chascharia

Davent dal 1958 datti a Ftan sper il Volg ina chascharia. Reto Pedotti, l'anteriur president communal da Ftan raquinta a nus da sias regurdientschas da la chascharia avant bun 60 onns.

Tge capita cun la veglia chascharia ?

La chascharia è vegnida in pau en ils onns ed i duvrass in'investiziun per renovar ed engrondir ella. Ma precis quai è la gronda sfida. L'interess vid la chascharia na saja avunda grond, manegia Reto Pedotti. Ma el na capituleschia anc betg.

video
Ina visita en la chascharia a Ftan
Or da RTR Social dals 17.07.2020.
laschar ir

RTR sil punct 17:45

Artitgels legids il pli savens

Scrollar a sanestra Scrollar a dretga