Siglir tar il cuntegn

Header

audio
Project è lantschà - Alice Bertogg da la Lia Rumantscha, manadra dal project
Or da Actualitad dals 30.11.2020.
laschar ir. Durada: 5 minutas 3 Secundas.
cuntegn

Inoltrai Voss pled dal 2020 Daventa forsa «coronavirus» il pled da l'onn?

Il pled da l'onn duai mussar, tge che ha muventà, dà da discussiunar e davart tge che la societad ha fatg patratgs. Ils linguists e las linguistas da la Scol'auta per scienzas applitgadas a Turitg (ZHAW), ensemen cun la Lia Rumantscha, rimnan propostas, er via RTR.

Tgenin è Voss favurit per il pled da l'onn 2020?

Inditgai Voss pled en il formular. Bunamain mintga pled vegn examinà dals linguists e da las linguistas da la ZHAW ed ha la schanza da vegnir sin la glista lunga. Quella vegn lura preschentada ad ina giuria tschernida da la Lia Rumantscha che elegia il pled da l'onn rumantsch. Publitgà vegn il pled ils 8 da december.

Criteris

  • Nagins nums da marca u da persunas (p. ex. Donald Trump u M-Budget).
  • I vegn tschertgà il pled che ha muventà il pli fitg la Svizra rumantscha e betg il pli bel pled.
  • D'avantatg è sch'il pled ha in connex regiunal u cun la Svizra.
audio
Tge pleds han gì conjunctura quest onn?
ord Linguarias dals 01.12.2020. Maletg: RTR
laschar ir. Durada: 6 minutas 46 Secundas.

Or da var 70 pleds datti trais victurs

Igl è il segund onn che l'elecziun dal pled da l'onn rumantsch stat sut il timun da la ZHAW e la Lia Rumantscha. En mintga part linguistica da la Svizra datti ina giuria che elegia ord ina glista lunga da 70 fin 80 pleds en pliras discussiuns e votaziuns ils trais pleds victurs. La glista lunga mettan ils experts da la ZHAW ensemen or d'analisas da var otg milliuns texts cun 1,6 milliardas pleds or da 360 differentas funtaunas sco er or da las propostas da la populaziun e dals commembers da la giuria.

La Lia Rumantscha è responsabla per la giuria en la Svizra rumantscha. A questa sa participeschan diesch persunas. Ellas represchentan ils divers idioms, derivan da differentas spartas e funcziuns ed èn ina buna maschaida da genders e vegliadetgna.

Fin ils 3 da december pudais Vus inoltrar propostas. Mardi, ils 8 da december vegnan lura preschentads ils 12 pleds da l'onn, per mintga lingua naziunala tenor il principi dal prim, segund e terz.

Pleds da l'onn 2019

1.2.3.
Rumantschlufdiasporaunda verda
TudestgKlimajugendOK BoomerFlugscham
Franzosvague vertefèminicideflygskam
Talianonda verdesciopero delle donne5G

Pled rumantsch da l'onn en il passà

2018
il derschalet (nausch siemi)
2017ils flutgets (floccas per müesli, per bizochels, per scrottas da naiv)
2016il barbagiat (mal ils musculs)
2015il schischuri (virivari)
2014far linlogn (sa laschar temp)
2013il raffader (der Abzocker)
2012l'arsuc (guaffen per trair en chalzers)
2011tgutglar (far tup, far da tgutg)
2010gnochergnar (far da char)
2009la vaccinaziun
2008europeada
2007las elecziuns
2006la sessiun
2005la porta alpina
2004las mesiras da spargn

RTR actualitad 07:00

Artitgels legids il pli savens