Siglir tar il cuntegn

Header

cuntegn

Relaziuns cun la China La Svizra vul ina politica independenta cun la China

Il Cussegl federal ha preschentà oz sia strategia per la China dals proxims trais onns. Tenor il minister da l'exteriur Ignazio Cassis duajan trais princips esser la basa per las relaziuns cun la China.

La Svizra vul in'independenta collavuraziun bilaterala cun la China. Il pajais asiatic duaja s'integrar en l'urden liberlan e la politica da la Svizra duaja esser coerenta.

Dialog davart ils dretgs umans e terz impurtant partenari commerzial: Quest dus temas defineschian las relaziuns tranter la Svizra e la China, ha ditg Cassis davant las medias a Berna.

La Svizra veglia ina politica cun la China independenta. Problems stoppian vegnir tematisads. La prontadad da la China da discutar davart ils dretgs umans saja vegnida mendra. Il medem mument saja la situaziun dals dretgs umans en il pajais sa pegiurada.

Malgrà difficultads restia il dialog davart ils dretgs umans impurtant. Ils dretgs umans duajan da nov vegnir tematisads tar tut las cunvegnas bilateralas. La Svizra stoppia sa preschentar a moda segira e focussada envers la China sco partenari commerzial.

Ord l'archiv

video
Cassis en China
Or da Tagesschau dals 03.04.2018.
laschar ir. Durada: 2 minutas 21 Secundas.

RTR novitads 15:00

Artitgels legids il pli savens