Siglir tar il cuntegn

Header

Mamma cun uffant sin stgala.
Legenda: Keystone
cuntegn

Pandemia da corona Caritas pretenda pajaments directs per persunas en miseria

La pandemia da corona augmentia la paupradad en Svizra. Da quest avis è l'ovra d'agid Caritas. Ella pretenda perquai da chantuns e confederaziun d'introducir en l'entira Svizra pajaments directs che sa basan sin il sistem da prestaziuns supplementaras.

Latiers duain indemnisaziuns per lavur curta per persunas en situaziuns precaras vegnir augmentadas sin 100%. Tenor la Caritas eran gia avant la crisa da corona 660'000 persunas en Svizra pertutgadas da paupradad.

Dubel uschè bleras dumondas

Entant sajan las dumondas da persunas ch'èn en las stretgas però creschidas andetgamain. Ils ultims mais haja dà dubel uschè blers discurs da cussegliaziun sco usità.

Pertutgads da povradad sajan famiglias cun uffants minorens, spezialmain persunas ch'educheschan persulas. En la Svizra dal vest sajan quai cunzunt er sans-papiers. Savens n'hajan quels nagina segirtad sociala.

La Caritas presta agid subsidiar per millis persunas ch'èn pertutgadas da paupradad e che na survegnan nagut dal stadi.

audio
Per tadlar - curt e cumpact
01:13 min, Actualitad dals 30.11.2020.
laschar ir. Durada: 01:13 minutas.

RTR novitads 12:00

Artitgels legids il pli savens

Scrollar a sanestra Scrollar a dretga