Il resultat
- 1. Virgile Bonvin (RTS)
- 2. Norman Lipari (RSI)
- 3. Miriam Derungs (RTR)
- 4. Agnes Kälin (SRF)
Las dumondas
Durant l'entir final hai dà tschintg rundas da dumondas. Ladina Schena ha tschentà a la finalista rumantscha Miriam Derungslas dumondas. Tut ils candidats survegnan las medemas dumondas.
Ils finalists
-
RTR: Miriam Derungs
Ella ha 42 onns, è oriundamain da Zernez, è mamma da dus uffants e dat scola a Cuira. -
Il victur: RTS: Virgile Bonvin
Il giuven da 25 onns studegia giurisprudenza a Friburg. -
RSI: Norman Lipari
Il Tessinais ha 28 onns. El è istoricher e viva per il mument a Turitg. -
SRF: Agnes Kälin
La cusunza da vestgadira da dunnas da 64 onns cusa anc oz sez ses vestgids. Ella è da Neuenkirch en il chantun Lucerna.
Grazia a lur enconuschientscha da la Svizra èn ils finalists arrivads enfin en il final dal quiz da radio, nua che las regiuns linguisticas cumbattan in cunter l'auter en quatter linguas. Il 1. d'avust ha gudagnà il candidat dad RTS Virgile Bonvin. Il victur gudogna er anc in bon da far vacanzas en Svizra en la valita da 5'000 francs.
Il Suisse Quiz è in’emissiun communabla da RTR, RSI, RTR ed SRF. Quell’emissiun vegn realisada en il studio da la chasa federala a Berna e vegn moderada da quatter moderaturs da radio: Sven Epiney per SRF, Stéphane Gabioud per RTS, Davide Gagliardi per RSI e Ladina Schena per RTR. Quizmaster e coordinatura tranter las quatter linguas è la moderatura rumantscha Diana Jörg.
Ils moderaturs dal Suisse Quiz èn Ladina Schena per RTR, Stéphane Gabioud per RTS, Sven Epiney per SRF e Davide Gagliardi per RSI.
Il duel da las regiuns linguisticas è stà il prim d'avust a partir da las 11.00 a las 12.00 sin ils emetturs da Radio Rumantsch, RSI Rete 1, RTS La Première, SRF1.
RR Suisse Quiz 11:00
