In viadi plain emoziuns. Positivas e tristas. Jau sun oz stada per l’emprima giada davent tut suletta. Ok, fin a Lucerna, Turitg ni Basilea er jau era schon suletta – ma mai pli lunsch.
7 uras e 15 minutas sin il palpiri. A la fin era jau en viadi 11 uras. In viadi pacific cun Davide Van De Sfross (chantautur) en l’ureglia, ina massa impressiuns e cun ils patratgs dals eveniments dals davos 2 dis.- Paris, almain 129 morts suenter attentats. Tge mo curra e passa sin noss mund?
E cler era il patratg cura e nua capita sco proxim insatge uschè terribel...
La novitad cun il fatg ch'ils terrorists han lioms en Belgia ed jau vom gist en quel pajais. Jau hai fatg quint cun blera polizia, controllas, in’atmosfera malsegira. Ma nagut da tut quai. Curius d’ina vart. Ins n'ha badà nagut dals eveniments dals davos 2 dis.
En tschertga da l’hotel
«Uhi, das ist in der Unterstadt, sind Sie gut zu Fuss!?» Quai la resposta dad ina dunna pli veglia, la quala jau hai dumandà suenter la via da la staziun da tren Eupen fin tar l’hotel nua che jau dorm.
Na toll, mia reacziun sin la resposta da la dunna. Ma quant simpatica e charina ch’ella era – sch’ella avess gì l'auto, m’avess ella manà a l’hotel, ha ella ditg cun ina nauscha conscienza. Ella m’ha descrit la via e quai era per mai schon avunda. Grazia!
La duscha ha fatg bain – oh ed en quest mument splunta insatgi vi da la porta – quai sto esser mia tschaina. Salata cun pulaster sweet soure. Gniammi!
Bun appetit a mai!
Dapli da la citad – cun fotografias - pudais vesair damaun.
Fin lura, stai bain!