Per promover il rumantsch e talian èsi actualmain reglà uschia che las scolas bilinguas survegnan daners supplementars. Las scolas bilinguas a Cuira, Samedan, Glion, Domat e Malögia survegnan ina pauschala da 400 u 500 francs per mintga uffant. Sin l'onn da scola 2014/2015 èn quests daners però vegnids plafonads sin totalmain 330'00 francs. Perquai ch'il dumber da scolaras e scolars bilings è dentant creschì dapi il 2013 dad 800 sin passa 1'250 scolaras e scolars, è la contribuziun sa sminuida sin be pli 260 francs ad onn per uffant.
Il deputà da la PS e manader dal departament da furmaziun da la citad da Cuira, Patrick Degiacomi, aveva pretendì perquai en sia incumbensa da schliar quest plafonament – sco er ch'i dettia per mintga scolar e scolara fix 400 francs.
La regenza sa mussa pronta da midar quai. Ella quinta cun custs supplementars da 200'000 francs ad onn.
