La procedura penala cunter l'anteriur president da la Dretgira chantunala dal Grischun, Norbert Brunner, vegn messa ad acta, quai communitgescha la procura publica dal chantun.
Norbert Brunner era vegnì renfatschà ch'el haja violà l'obligaziun d'uffizi tar ina dispita d'ierta il 2018. El duai avair midà il dispositiv d'ina sentenzia uschia che la decisiun finala era sa midada fermamain. Quella midada duai Brunner avair fatg senza consultar ses conderschaders.
La conclusiun
L'examinaziun dal procuratur public extraordnari Andrej Gnehm da Turitg vegn a la conclusiun, ch'ils dispositivs da las sentenzias da la Dretgira chantunala n'ha vegnan quasi mai formulads a fin. Il bler vegnan be las datas fundamentalas formuladas – il scriver da la decisiun vegn tenor pratica delegà al parsura sco er al actuar.
Vinavant concluda il procuratur public extern che l'inculpà saja irrefutabel stà persvas en il cas concret, che la delegaziun haja autorisà el per in mandat da pajament. Uschia n'haja betg pudì vegnì confermà che Brunner haja attestà voluntariamain fatgs fallads. En vista a questa practica da delegar che vala dapi decennis, na possia l'agir da l'inculpà betg vegnir classifitgà sco negligent.
Questa decisun n'ha anc betg vigur legala.
