Siglir tar il cuntegn

Header

audio
Violenza a chasa: 42% da las dunnas en Svizra èn pertutgadas
Or da Actualitad dals 09.11.2021.
abspielen. Laufzeit 2 minutas 3 Sekunden.
cuntegn

Agid a victimas dal Grischun Uschè bleras annunzias novas sco anc mai

358 persunas èn s'annunziadas l'onn 2020 per l'emprima giada al post per agid a victimas dal chantun. Quai èn tantas sco anc mai ils ultims 10 onns. Tut en tut ha il post cusseglià l'onn passà dapli che 714 persunas pertutgadas da violenza u da mesiras repressivas per motivs da provediment.

Perquai che bleras da las cussegliaziuns en connex cun mesiras repressivas per motivs da provediment hajan pudì vegnir terminadas, n'hajan ins betg cuntanschì il record dal 2019. Tenor l'Uffizi da servetsch social dal Grischun era il maximum da cussegliaziuns activas l'onn 2019, tar 763 cas. Ch'ins ha pudì terminar 95% dals cas pervi da mesiras repressivas, ha er da far cun quai che questas persunas hajan survegnì ina contribuziun da solitaritad da la Confederaziun ed uschia haja lur dossier pudì vegnir mess ad acta. Actualmain vegnan anc 22 persunas cussegliadas en connex cun las mesiras repressivas.

Blessuras corporalas sco delict il pli frequent

Dals 714 cas da cussegliaziun activs sa tracti da 692 cas da persunas ch'èn pertutgadas da violenza. Ed entaifer questa gruppa èn blessuras corporalas cun 313 cas, il delict il pli preschent. Blers cas da violenza capitan a chasa tras il partenari (65%) u la partenaria (7%) ubain insatgi auter ord la famiglia (28%). Il dumber da cas da violenza a chasa è creschì per 9.5% cumpareglià cun l'onn avant sin totalmain 323 cas.

Tar ils ulteriurs cas sa tracti da extorsiuns, smanatschs e persunas ch'èn vegnidas sfurzadas da far insatge. Sco terz pli frequent delict suonda la violenza sexuala e lura anc blessuras en il traffic ed autras circumstanzas nua che persunas èn daventadas victimas.

L'Agid a victimas dal Grischun

Avrir la box Serrar la box

Al post per agid a victimas pon tut las persunas sa volver ch'èn vegnidas violadas en lur integritad corporala, sexuala u psichica. I na dependa betg cura che la violaziun è capitada. Quai po er esser passà gia decennis. I na dovra era nagina denunzia penala per survegnir agid e sustegn.

Il post d'agid mussa a persunas pertutgadas lur dretgs e pussaivladads d'agir. Tenor basegn porscha u organisescha el er contacts ad ulteriurs servetschs d'agid.

L'Agid a victimas e cuntanschibel via:

audio
Per tadlar curt e cumpact
aus RTR Audio vom 09.11.2021.
abspielen. Laufzeit 59 Sekunden.

Studi davart violenza a chasa: 4 da 10 dunnas pertutgadas

4 da 10 dunnas èn gia ina giada stadas pertutgadas da violenza a chasa. Quai mussa in studi da l'institut da retschertga Sotomo. Uschia inditgeschan 42% da las dunnas e 24% dals umens dad esser stads pertutgads. 15% da las dumandadas e dals dumandads han inditgà dad esser stà delinquent. Sco motivs per la violenza vegn numnà l’alcohol, l’atgna experientscha da violenza, d’avair il dretg dad insatgi ni in purtret tradiziunal da la dunna. Per la gronda part da las persunas dumandadas n'è violenza a chasa betg tolerabla – ed igl è il motiv numer 1 per sa separar.

RTR novitads 09:00

Artitgels legids il pli savens

Scrollar a sanestra Scrollar a dretga