Sco la Polizia chantunala scriva, deriva l'ieli dal tschaler da l'ospizi, nua ch'i haja in tanc d'ieli sco er in generatur. Pertge ch'il diesel è culà en il lai n'è però anc betg enconuschent. La polizia chantunala investighescha.
La dumonda sch'i ha dà donns per l'ambient, sto l'Uffizi per natira ed ambient sclerir. Anc adina sajan ils pumpiers ed ulteriuras forzas vid trair ora l'ieli ord il lai, per minimar ils donns. Che l'aua contaminada è ida dal lai vinavant en il flum Moesan hajan ins pudì impedir.