40 dis è vegnì filmà ord l’aria en il Vorarlberg ed en il Tirol. E 40 dis èn ils quatter helicopters da l'interpresa Wucher stads en acziun. Trais helicopters èn sgulads cun cameras, in è restà per terra - pront per cass urgents. In tal cas hai dà ils davos dis da las filmadas, cura ch'in actur era sa blessà ed ha stuì vegnir transportà en l’ospital.
Surdada da l’incumbensa sco en in film
Gerhard Huber, manader da l'interpresa Wucher ha survegnì la dumonda d’offerta senza ch’el saveva per tgi ch’èl haja da far la calculaziun da pretsch. El è alura vegnì envidà a Sölden e là ha el survegnì ina charta naira cun l’inscripziun d'aur «007».
Ina charta naira cun l’inscripziun dad aur 007… Mes puls è ì ad aut!
Uschia ha era la firma Wucher survegnì in pau dals 250 milliuns dollars ch’il nov film da James Bond ha la fin finala custà.