-
Bild 1 von 6Legenda: Alice Bertogg dastga baiver il café ord la cuppina da Sissi. RTR/ORF/Ch. Suter
-
Bild 2 von 6Legenda: Alice Bertogg cun la contessa Stéphanie Waldburg-Zeil. La cuppina da Sissi è pronta per duvrar. RTR/ORF/Ch. Suter
-
Bild 3 von 6Legenda: Il palast da Hohenems ha 113 chombras. RTR/ORF/A. Bertogg
-
Bild 4 von 6Legenda: Il cont Franz-Clemens Waldburg-Zeil davant in relief da ses imperi. RTR/ORF/A. Bertogg
-
Bild 5 von 6Legenda: Sissi è anc adina omni-preschenta en il palast da Hohenems. RTR/ORF/A. Bertogg
-
Bild 6 von 6Legenda: «Glückselig der, dessen Welt innerhalb des Hauses ist», questa tavla penda en la curt dal palazi. RTR/ORF/A. Bertogg
«Nus avain mintga di insanua in plazzal»
Mantegnair in chastè custa daners e gnerva. Il cont Franz-Clemens Waldburg-Zeil è da l'opiniun che mintga chastè saja in horror. En il palast a Hohenems saja mintga di insanua in plazzal. Ils custs per il mantegniment dal palast pajan els cun il retgav da la laina da l’agen guaud ubain mintga primavaira cun racoltar l’agl d’urs che crescha a l’ur dal munt dal chastè.
Mintga chastè è in horror
1 tonna agl d’urs
Mintga primavaira racolta la famiglia Waldburg-Zeil l’agl d’urs che crescha en abundanza sin lur agen territori. Avant intgins onns elavurava la contessa l’agl en sia atgna cuschina e vendeva quel lura via internet ubain sin il martgà a Hohenems. Ma la cuschina è vegnida memia pitschna per far sez products d’agl ed uschia venda la famiglia l’agl en mazlerias u a producents da pasta.
Mintg’onn racoltan els da quai d'ina tonna agl d’uors, quest onn hai schizunt dà 1,2 tonnas.
Cura la Sissi s’inscuntra cun George Clooney
L’imperatura Sissi viagiava magari sut il pseudonim «Gräfin von Hohenems». Schizunt tar ses davos viadi e Genevra era la Sissi purtada en il cudisch da l’hotel cun il num da la contessa da Hohenems. E la famiglia Waldburg-Zeil è parentada cun l’imperatura Sissi, quai en lingia da la figlia da la Sissi. E l’imperatura ha propi era visità intginas giadas il palast a Hohenems. E perquai hai là anc oz objects da la Sissi: In sevice da café, guants e piz. Ed en las scadiolas da la Sissi cula uss café ord la maschina da café da Nespresso.