Mezdi: Segundas abitaziuns Flem/Laax/Falera: cas avant dretgira
Da Actualitad dals 08.12.2017

La fin d'october era lezza vegnida tranter auter a la conclusiun che las trais vischnancas dovrian ils daners incassads correct ed ellas na fetschian nagin gudogn cun las taxas.

Pli che 130 commembers da la cuminanza d'interess vulan trair il cas avant Tribunal federal. Tuttina sajan ins interessà vid in dialog constructiv cun las vischnancas, hai num en ina communicaziun.

I na vegn betg pli discurrì

Ch'ins saja avert per ina discussiun dian ton il president da la cuminanza d'interess da possessurs d'abitaziuns secundaras Reto Fehr, sco era il president communal da Flem Adrian Steiger. Cunzunt uss suenter la decisiun da la dretgira administrativa, che ha dà cumplaina raschun a las vischnancas, na vulan ils possessurs d'abitaziuns secundaras betg far l'emprim pass. Quel stoppian las vischnancas far, uschia Reto Fehr.

Da la vart da la vischnanca Flem è Adrian Steiger da l'avis, che ina discussiun na fetschia betg grond senn uss. Las vischnancas na possian betg prender decisiuns ensemen cun la cuminanza d'interess avant ch'il Tribunal federala n'haja betg decis en chaussa.

RR novitads 10:00