Curt e concis

La mesemna suentermezdi ha il stemprà «Burglind» er cuntanschì il Grischun. Entaifer duas uras hai dà 32 annunzias da donns. Surtut en la regiun dal Signuradi, Tschintg Vitgs , l'entschatta dal Partenz enfin Cuira. Main donns hai dà en Tumleastga e Surselva. Donnegiads èn cunzunt vegnids pumers e tetgs.

Saira: Stemprà Burglind: Survista donns en Grischun
Da Actualitad dals 03.01.2018

Vias, binaris e pendicularas serradas

En plirs lieus sajan pumpiers en acziun, conferma la Polizia chantunala dal Grischun. Quai per rumir vias ch'èn per part serradas tras plantas cupitgadas.

Tar la viafier retica curseschan actualmain nagins trens tranter Claustra Plaz e Tavau Plaz; era qua pervi da plantas cupitgadas.

Era en ils territoris da skis en il Grischun èn las pendicularas, sutgeras ed ils runals per la gronda part serrads.

«Mammut» da Cuira perda ses piz

Pers il piz ha la plonta «mammut sequoiadendron» da l'areal dal museum d'art a Cuira. Talas plantas datti paucas en il Grischun.

RR novitads 14:00+