Siglir tar il cuntegn

Header

video
Puncto egualitad datti anc mancanzas tar l’administraziun chantunala
Or da Telesguard dals 04.05.2022.
abspielen. Laufzeit 1 minuta 43 Sekunden.
cuntegn

Analisa «egual21» Dapli egualitad en l'administraziun chantunala

Il chantun ha laschà analisar l'egualitad tranter um e dunna en l'administraziun chantunala. Il rapport mussa fermezzas dentant era flaivlezzas.

audio
Egual21: Chantun vul meglierar la situaziun d'egualitad
aus Actualitad vom 04.05.2022.
abspielen. Laufzeit 4 minutas 27 Sekunden.

Dapli dunnas en il cader

Sco patrun da lavur lascha il chantun blera autonomia tar il temp da lavur ed il persunal profitescha era d'ina buna purschida per sa scolar vinavant. Sper quests aspects positivs mussa l'analisa ch'il Post per egualitad tranter um e dunna ha laschà far experts externs dentant era potenzial d'agir.

Be 36% dal persunal chantunal èn dunnas (en Svizra è la media tar 49%). Anc pli gronda è la differenza tar funcziuns da manar: Be quatter da 39 uffizis chantunals vegnan manads d'ina dunna. Plinavant munta la cumpart da plazzas parzialas a 28% sut la media svizra da 42%.

Sche dapli dunnas surpiglian funcziuns da manar, po quai far curaschi era a las proximas generaziuns.
Autur: Barbara Wülser Post per l'egualitad da las schanzas per dunnas ed umens

Proxims pass

Durant il proxim onn duai uss ina gruppa da lavur elavurar finamiras e mesiras per meglierar la situaziun. Quai fiss il segund pass en l'entir project per dapli egualitad tranter um e dunna en l'administraziun chantunala. Sco prim avevan 1'747 (da total 3'069) collavuraturas e collavuraturs fatg part d'ina retschertga e in post spezialisà ha fatg intervistas e lavuratoris cun persunas da cader e da resursas umanas. A partir da l'avrigl 2023 duain las mesiras vegnir implementadas.

Quest entir plan d'acziun per dapli egualitad sa basa sin ina incumbensa da la fracziun socialdemocratica en il Cussegl grond da l'onn 2019.

RTR novitads 11:00

Artitgels legids il pli savens

Scrollar a sanestra Scrollar a dretga