La regiun da vacanzas Arosa lantscha in agen center da test sin il cumenzament da la stagiun. A partir da damaun vegni fatg tests da Covid directamain en in container da test tar il center da sport e da congress, hai num en ina communicaziun.
Sin basa dal grond dumber da cas existia ina gronda dumonda da far tests. Perquai haja la destinaziun da vacanzas decis da metter en pe in agen center. Quai en collavuraziun cun l'ospital da Tusaun. I vegnia fatg tests da PCR, però er tests sperts. Per omadus datti in certificat.