Siglir tar il cuntegn

Header

Legenda: Ils pumpiers en acziun cun 35 persunas ha gì spert sut controlla il fieu. mad
cuntegn

Arosa Incendi d'in chamin en ina chasa da vacanzas

En il plaun sut il tetg d'ina chasa da vacanzas ad Arosa hai ars dumengia en damaun. Blessà è nagin, ha communitgà la Polizia chantunala dal Grischun. Daco ch'i ha ars n'è anc betg cler.

Ils nov abitants ed abitantas da la chasa cun trais abitaziuns han pudì bandunar sez la chasa. Ina da las nov persunas è vegnida sgulada per precauziun cun suspect da tissientada da fim cun la Rega en l'ospital chantunal a Cuira. Cura ch'ils pumpiers èn arrivads han els vis fim en il plaun sut il tetg e flommas datiers dal chamin. Ils pumpiers d'Arosa ch'èn stads en acziun cun 35 persunas ha gì spert sut controlla il fieu.

RTR novitads 18:00

Artitgels legids il pli savens

Scrollar a sanestra Scrollar a dretga