Siglir tar il cuntegn

Header

video
Sigl en l'aua fraida, far bogn en glatsch.
Or da Telesguard dals 07.01.2022.
laschar ir. Durada: 4 minutas 1 Secunda.
cuntegn

Arosa Sigl en l'aua fraida

L'uniun «Eisbadi Arosa» mantegna la plazza da far bogn d'enviern. Il char cun sauna e local da ruas han els finanzià cun agid da sponsurs e crowdfounding.

Ils commembers e las commembras da l'uniun «Eisbadi Arosa» mantegnan la plazza. Tgi che vul in'introducziun cun tips per sa preparar ed in bogn cun accumpagnament sto far in termin sin la pagina d'internet da la «Eisbadi». Per la sauna as pon ins mademamain reservar termins exclusivs privats (per duas fin otg persunas). La sauna stat dentant era a disposiziun al public durant certs temps. Per far bogn accumpagnà e sauna ston ils visitaders a las visitadras pajar. Il plaz da far bogn stat dentant a disposiziun gratuitamain a mintgin.

audio
Visita en il bogn da glatsch ad Arosa
ord Actualitad dals 07.01.2022.
laschar ir. Durada: 4 minutas 10 Secundas.

Effects positivs

Far bogn en il glatsch haja effects positivs per il corp. Il sistem d'immunitad vegnia activà ed il corp distribueschia differents hormons – substanzas analgeticas, recudiders da stress ed hormons da ventira. Ils effects psicics sajan era gronds; ins stoppia surmuntar sias retegnientschas e sa focussar.

Adina pli popular

Far bogn en il glatsch saja ils ultims onns adina vegnì pli popular. David Knittel, il president da l'uniun «Eisbadi Arosa», è vegnì tras amitgs che faschevan bogn el glatsch tar ses hobi. Per el è quai il perfect start en il di. El giaja mintga bun'ura a prender in bogn.

Ti eis daltuttafatg tar tai. En l'emprim mument na poss betg pli pensar – ti sentas tes corp e ti emprendas a ta schluccar en quell'aua. Quai è sco ina «instant» meditaziun: ti vegns or da l'aua ed es qua dal tuttafatg. Corp ed olma èn pronts e lura na po nagut schoccar tai quai di.
Autur: David Knittel president uniun «Eisbadi Arosa»

RTR actualitad 17:00

Artitgels legids il pli savens