Saira: Intervista cun Corin Curschellas – Premi da cultura 2018
Da Actualitad dals 18.01.2018

L'ovra da Corin Curschellas saja vasta, communitgescha la regenza. Ella chanta, suna clavazin, dulcimer, citra, harmonium indic, percussion, accordeon e synthesizer. Ella haja però era gia cumponì per Michael von der Heide, Vera Kaa e Dodo Hug. En la Svizra rumantscha è ella s'occupada sco archeologa da musica cun la chanzun populara – ha arranschà ed interpretà da nov chanzuns rumantschas veglias. E sco scolasta da musica a Glion intermedieschia e promovia Curschellas la cultura.

«  I è forsa il pli grond premi da cultura dal Grischun ed uschia a quai ina enorma valita per mai.  »
Corin Curschellas
chantadura e musicista

Il 2010 era Corin Curschellas – ch'ha 61 onns – vegnida undrada cun in premi da promoziun. Il Premi grischun da cultura è dotà cun 30'000 francs.

Premis da renconuschientscha

Ultra da quai ha la regenza decidì da surdar premis da renconuschientscha ch'èn dotads cun 20'000 francs:

Premis da promoziun

Ils premis da promoziun dotads cun mintgamai 20'000 francs van a l'actura Petra Aleardi (1985) da Grüsch, al scriptur Josy Battaglia (1980) da Poschiavo, a la chantautura Martina Gemassmer (1991) da La Punt, a l'actura Sara Francesca Hermann (1985) da Samedan, al ballarin Robert Jerjen (1999) da Cuira, a la band engiadinaisa «Polyphone» (Marcus Petendi, Simon Steiner, Valentin Bezzola) ed al percussionist Janic Sarott (1992) da Scuol.

RR novitads 09:00

Dapli da l'ovra e la persuna Corin Curschellas chattais qua.