Sco quai che la vischnanca Bravuogn Filisur scriva en ina communicaziun, stoppian differents criteris vegnir ademplids per pudair entrar en l’uniun «Ils pli bels vitgs da la Svizra». Uschia sto in vitg avair in'ierta istorica, culturala ed agricula.

«  La populaziun da nossa vischnanca tgira l’ierta istorica dals vitgs cun grond engaschi e gronda ambiziun per il detagl, jau ma legrel che nus pudain ans preschentar en in nov conturn grazia l’uniun.  »
Luzi C. Schutz
president communal

Dapi l’entschatta da quest onn è il vitg da Bravuogn fusiunà cun Filisur. A la vischnanca da Bravuogn Filisur appartegnan era Latsch, Stugl e Jenisberg. Bravuogn è ina vischnanca en Val d’Alvra cun bleras chasas fabritgadas en il stil engiadinais. Bravuogn è en il Parc Ela, e la lingia da la Viafier retica appartegna al patrimoni mundial da l’Unesco. Punct central da Bravuogn è «La Tuer», ina tur d’abitadi dal temp medieval.

La Tuer. mad

RR novitads 10:00