Tenor Martin Candinas duai vegnir reglà che mintgina e mintgin survegn la posta il pli tard a las 12:30. Ina maioritad dal Cussegl naziunal sustegna el. Surtut en las regiuns perifericas vegnia la posta mintgatant pli tard.

«  Quai na po betg esser ch'ins survegn la gasetta pir il suentermezdi. Lura èn las novitads en quella gia veglias.  »
Martin Candinas
Cusseglier naziunal PCD GR
audio-play
1:35
Saira: La gasetta sin pli tard da mezdi en chasa
Da Novitads dals 08.03.2018

Il Cussegl federal na vul dentant betg reglar quai. Decisiuns operativas sajan chaussa da La Posta. La politica n'haja betg da sa maschadar en, di la cussegliera federala Doris Leuthard.

«  In pajais cuntent che ha sulettamain tals problems.  »
Doris Leuthard
Cussegliera federala PCD

Sco proxim tracta il Cussegl dals chantuns la moziun da Candinas. Suonda quel la chombra gronda avess quai tant consequenzas per l’organisaziun dal la repartiziun dal la posta sco era per ils clients ed abunaments da gasettas quotidianas.

RR actualitad 17:00