Siglir tar il cuntegn

Header

cuntegn

Attenziun: uffants surprendan Polizia augmenta preschientscha datiers da scolas

Ils 16 d'avust cumenza la scola puspè – la polizia vul perquai far attent sin ils privels en il traffic.

En paucs dis hai per millis da scolaras e scolars en il Grischun puspè num ir a scola. Perquai vegn la polizia ad esser pli preschenta datiers da scolinas e chasas da scola. Els vegnian a far dapli controllas da spertadad en ils vitgs, e controllar las vias che mainan a las scolas, annunzia la Polizia chantunala. Vitiers instrueschan policists ils uffants da las scolinas co els duain sa depurtar cun traversar la via. Il medem temp fa il BfU la campagna «Attenziun, uffants surprendan».

Legenda: MAD, Uffizi federal d'ambient

Raschuns ch'uffants pon surprender

  • Uffants vulan giugar e sa laschan perquai svelt distrair
  • Els na pon anc betg giuditgar bain privels
  • Uffants èn pitschens e na vesan perquai betg uschè lunsch
  • Els na pon anc betg giuditgar correct sveltezzas e distanzas
  • Per uffants èsi grev da localisar danunder che tuns vegnan e da valitar quels

Tips per far pli segira la via da scola

  • Quintai cun tut tar uffants
  • Restar pront per franar
  • Ir pli plaun
  • Tegnair airi dal tut a la strivla melna
  • Enturn scolas èsi da far anc dapli attenziun

RTR novitads 11:00

Artitgels legids il pli savens

Scrollar a sanestra Scrollar a dretga