Siglir tar il cuntegn

Header

cuntegn

Autostrada Lavurs vi da l'A13 cumenzan proximamain

L'entschatta avust cumenza l'Uffizi federal cun las lavurs da sanaziun e construcziun sin l'A13 tranter Giuvaulta e Rehanau.

En in project che cuzza plirs onns, vegn la via da l'autostrada A13 sanada e messa sin il pli nov stan da construcziun e segirezza. Planisada è la sanaziun dal trassé e da differentas construcziuns, sco er la construcziun nova da la gallaria da segirezza dal tunnel Isla Bella sco er la sanaziun dals dus tunnels Isla Bella e Plazzas.

Lavurs durant il 2021

Durant la stagiun da lavur 2021 vegn il trassé sin la vart dal sid fatg pli lad ed i dat emprimas lavurs per far pli lad e sanar la punt sur il Rain Posteriur a Bonaduz. Per garantir ch'il traffic vegn da cular permanentamain, vegn la via per part fatga pli stretga sin tscherts trajects ed igl è da charrar pli plaun. Tar il traject sid datti tranter Giuvaulta ed il portal dal sid dal tunnel Isla Bella in vial supplementar en direcziun nord. Quella funghescha l'entschatta sur tut sco vial per il plazzal e pli tard sco strivla da panna, per che las forzas da salvament pon en avegnir esser pli sveltas tar il tunnel.

Las lavurs planisadas per la sanaziun cumpletta dal traject vegnan realisadas en pliras etappas e custan radund 215 milliuns francs.

RTR novitads 17:00

Artitgels legids il pli savens