Las dretgiras regiunalas en il Grischun èn sut squitsch – uschia il president da la dretgira chantunala Remo Cavegn envers il schurnal regiunal dad SRF. El è responsabels per la surveglianza da las 11 dretgiras regiunalas ed ha dà en lavur in studi per evaluar la situaziun da persunal.
I va per la damonda sche las dertgiras regiunalas han avunda persunal par dumagnar la lavur. Chattar la risposta duai Daniel Kettiger, el è giurist ed expert per management da giustia. En trais pass vul el eruir la gliesta da las fatschentas: sco emprim cumpareglian ins la statistica cun las valurs d’experientscha ord auters cantuns. Lura vegn fatg ina atgna valitaziun da la lavur. E sco terz fa l'expert Daniel Kettiger intervistas al lieu. Ils resultats duajan esser sin maisa sil pli tard l'atun. Sche il studi mussa ch'i drova propi dapli persunal, lura less'ins prender si quai en il budget da l’auter onn e davent dal 2024 lura engaschar dapli persunal.
