Siglir tar il cuntegn

Header

cuntegn

Banca chantunala grischuna Augmentà il gudogn il segund quartal da l'onn

La Banca chantunala grischuna augmenta ses gudogn il segund quartal da l'onn. Cun bun 112 milliuns francs è quel creschì per passa 17% en congual cun il medem temp da l'onn passà. S'augmentadas èn er la fatschenta cun ipotecas ed ils daners novs. Quai scriva la banca en ina communicaziun. Er il gudogn da mintga cedel da participaziun è s'augmentà en congual cun il medem temp da l'onn passà per var 20% sin 44,60 francs. La banca noda plinavant in augment da las ipotecas per passa 2%.

Il aut gudogn saja il resultat da la posiziun strategica da la banca. Schlargiar la fatschenta d'investiziuns ed ils affars cun l'administraziun da la facultad portia fritgs, scriva la banca. Vitiers vegnia il ferm martgà d'aczias.

Prevista da l'onn

Pervia da las bunas cifras da l'emprim semester augmenta la Banca chantunala grischuna sia prognosa per l'onn 2021. La banca quinta cun in gudogn total da 200 milliuns francs per l'onn. Il gudogn da mintga cedel da participaziun munta a var 78 francs, uschia la prognosa.

 

RTR novitads 08:30

Artitgels legids il pli savens