Siglir tar il cuntegn

Header

cuntegn

Best Tourism Villages Valposchiavo represchenta la Svizra tar concurrenza turistica

Il Puschlav po sa mesirar ensemen cun duas autras regiuns svizras per ina concurrenza da l'Organisaziun mundiala per turissem (UNWTO).

Sper la regiun turistica Valposchiavo sa mesiran era Saas-Fee e Gruyères per la Svizra a l'inscunter da l'organisaziun l'october en il Marocco.

Tschertgads èn tenor ina communicaziun ils megliers exempels da regiuns champestras che nizzegian la forza dal turissem, per proteger lur vischnancas, lur tradiziuns localas e lur ierta.
«Best Tourism Villages by UNWTO» vul maximar l'effect dal turissem per sustegnair las regiuns. La visiun da la concurrenza è da nizzegiar la forza dal turissem per il bainstar e svilup da las cuminanzas.

Ils trais candidats èn vegnids elegids dad ina giuria svizra consistind da l'Uffizi federal d'ambient, da la Svizra Turissem e dal Secretariat da stadi per l'economia.

Daco la Val Poschiavo

Il turissem sustegna l'economia locala cun il project «100% Valposchiavo». La producziun fin tar la consumaziun capita en il Puschlav. Il turissem promova uschia l'economia persistenta en la val.

audio
Per tadlar: las novitads da las 12:00
04:12 min, RTR Audio dals 06.09.2021.
laschar ir. Durada: 04:12 minutas.

RTR novitads 11:00

Artitgels legids il pli savens

Scrollar a sanestra Scrollar a dretga