Siglir tar il cuntegn

Header

video
65 dis en la sumbriva
Or da RTR Social dals 27.01.2022.
laschar ir. Durada: 51 Secundas.
cuntegn

Bregaglia Il plaschair dals emprims radis da sulegl

Entant che la Bregaglia è per regla maldisada cun uras da sulegl durant la primavaira e la stad, mancan ils radis durant ils mais pli fraids. Uschè sa mussa per exempel il sulegl puspè l’emprima giada a Stampa pir ils 7 da favrer. E quai er be durant duas minutas cura ch’el cucca tranter duas muntognas ora.

audio
Ils emprims radis da sulegl en la Bregaglia
ord Actualitad dals 27.01.2022.
laschar ir. Durada: 3 minutas 20 Secundas.

In mument spezial

Er per il pèr Gianna e Marcello Negrini da Coltura - ina fracziun da Stampa - è l’emprim di ch’il sulegl illuminescha la fatschada da lur chasa, in di da festa.

Marcello e sia dunna Gianna Negrini avant lur chasa a Coltura
Legenda: Marcello e sia dunna Gianna Negrini avant lur chasa a Coltura RTR, Anna Caprez
Nus essan creschids si qua ed essan disads vidlonder. E pli gugent uschè sco esser giu la Bassa durant in’emna en la tschajera.
Autur: Marcello Negrini Bregagliot da Coltura

Ch’i dettia bain glieud pli attempada che na bandunia prest mai ses dachasa durant ils mais senza sulegl, admetta Marcello Negrini. Tant pli savens vesan ins quellas persunas percunter suenter a spass en il sulegl.

Cun vegnir pli vegl, bram ins pli ferm il mument cura ch’il sulegl turna puspè.
Autur: Marcello Negrini pensiunà da Coltura

Fin che tut ils lieus en la Val Bregaglia vegnan puspè maldisads dal sulegl, duri fin vers la fin da favrer, uschè l’anteriur selvicultur. Per la paja datti suenter uras da sulegl en abundanza.

RTR actualitad 12:00

Artitgels legids il pli savens

Scrollar a sanestra Scrollar a dretga