La radunanza communala da Churwalden ha approvà il budget per l'onn proxim. Quel prevesa in surpli d'expensas da radund 61'200 francs. Quai correspunda a radund 0,4% da las expensas e munta uschia in budget quasi equilibrà. En il quint d'investiziuns èn previsas radund 2'191'000.00 francs investiziuns nettas.
Plinavant ha la vischnanca approvà in credit da 930'000 francs per la terza etappa da la renovaziun dal Jochwäg Churwalden. Las lavurs per questa terza etappa èn planisadas il 2022 e 2023.