Siglir tar il cuntegn

Header

audio
Bursa da velos a Cuira: Unfis dals e-bikes u vendani ils vegls?
Or da Actualitad dals 11.04.2022.
abspielen. Laufzeit 3 minutas 48 Sekunden.
cuntegn

Bursa da velos a Cuira Malgrà l'aura variabla: 200 velos han chattà in nov dachasa

Guardar, empruvar ora, e sch'i plascha, prender a chasa. A la bursa da velos a Cuira han 200 exemplars chattà ina nova possessura u nov possessur. Tenor Simon Gredig, il mainafatschenta da Provelo, èsi stà in success.

Velos per uffants, per la citad u la muntogna, u velos da cursa – la schelta è stada gronda. La fin finala eran var 400 exemplars exponids. Quai malgrà che betg tants commerziants da velo hajan purtà quest onn lur exemplars a la bursa, di Simon Gredig da l'uniun Provelo ch'organisescha l'occurrenza.

Ils vendiders e las vendidras èn cunzunt persunas privatas – giuven e vegl. Dus buobs han purtà il velo da lur frar pitschen, ina mamma ils velos da las figlias, u era pèrins pli vegls. Las raschuns per vender ils velos èn differentas. U ch'els eran daventads memia pitschens per ils uffants, u…

Nus avain ussa dus e-bikes a chasa, e betg pli plaz per quest velo.
vendider a la bursa da velos a Cuira

E-bikes, da lez n'han ins betg vis blers. Ma persuenter dus, trais models pli spezials – sco per exempel in tandem, in velo da bmx ch'ins dovra cunzunt per far trics u in velo da giaschair.

audio
Bursa da velos Cuira: Blers velos, strusch e-bikes, blera glieud
aus Actualitad vom 09.04.2022.
abspielen. Laufzeit 3 minutas 9 Sekunden.

Simon Gredig è cuntent cun la bursa da velos, ed era che l'aura è stada meglra che temì. Uschia sajan plirs tschients persunas stadas a guardar. Radund 200 velos èn vegnids vendids, e quels ch'èn restads vegnan returnads als possessurs, u surdads a l'uniun «Viamala averta» che sustegn fugitivs e requirents d'asil.

RTR actualitad 17:00

Artitgels legids il pli savens

Scrollar a sanestra Scrollar a dretga