Siglir tar il cuntegn

Header

audio
Café Surprise: Baiver in e pajar dus cafes per ina buna chaussa
Or da Actualitad dals 28.10.2021.
abspielen. Laufzeit 3 minutas 32 Sekunden.
cuntegn

Café per tuts In café gratuit per dapli cuminanza

L'organisaziun naziunala «Surprise» – che blers enconuschan dals magazins anora – ha lantschà in nov project caritativ a Cuira. Il project cun il num «Café Surprise» duaja pussibilitar a persunas basegniusas da sa participar a la vita sociala.

«I dat persunas che ston ramassar mintga rap, uschia che gia in café po daventar char», declera Andreas Jahn da l'organisaziun caritativa «Surprise». La vita sociala giaja tar persunas basegniusas savens a perder. La consequenza: Ins vegnia exclus da la societad. Perquai han els creà il «Cafe Surprise» che duai pussibilitar da baiver gratuitamain in café en ustaria. Cun sustegn da l’uniun d’agid evangelica Cuira e la vischnanca burgaisa da Cuira datti la purschida ussa era tar 12 ustarias a Cuira.

café sin maisa.
Legenda: La plachetta mussa ch'ins sa donar in café en quest'ustaria. RTR, Lukas Quinter

Baiva in, paja dus

Il concept saja fin ussa vegnì introducì en pliras citads da la Svizra sco per exempel Basilea, Berna e Turitg, di Andreas Jahn. L’idea dal concept è che la clientella paja 2 cafés, dentant vegn be in servì. L’auter vegn nudà sin ina glista da stritgs ed è quasi «suspendì». Questa glista da stritgs è plazzada prominent en in lieu entaifer l’ustaria. Cura ch’ina persuna basegnusa entra l’ustaria vesa ella sin in’egliada sch’i dat cafés gratuits ch’èn vegnids donads. Sche la persuna retira lura il café vegn in dals stritgs puspè stritgads.

«Café sospeso» – In'idea taliana

En Svizra è quest concept in novum. En l’exteriur datti quai dapi daditg. L’idea oriunda vegn da Napoli è vegn pratitgada dapi il 20avel tschientaner declera Andreas Jahn. Durant la crisa d’economia haja dà bleras persunas basegnusas. Quellas persunas survegnivan darar agid dal stadi uschia che la societad saja s’organisada da sez. Perquai han ins entaifer la societad era tschertgà purschidas per dapli qualitad da viver. Or da quai saja lura il «café sospeso» naschì.  

RTR actualitad 12:00

Artitgels legids il pli savens

Scrollar a sanestra Scrollar a dretga