Siglir tar il cuntegn

Header

cuntegn

Chantun Agid per cas da direzza da l'ultim quartal 2021 è pront

Il chantun ha dà liber la pussaivladad d'annunziar agid per cas da direzza per l'ultim quartal da l'onn 2021. Interpresas che han patì da la pandemia da Covid-19 durant quai temp, pon inoltrar ina tala dumonda. Las interpresas ston avair ina svieuta annuala da fin a 5 milliuns francs. Sche quellas han fatg 15% pli pauca svieuta, pon ellas dumandar agid. La dumonda sto vegnir inoltrada fin il pli tard ils 15 da matg 2022.

Ulteriur agid per l'emprim quartal dal 2022

Il chantun elavura per il mument la basa per realisar il nov program d'agid per cas da direzza 2. La regenza ha deliberà il messadi correspundent per mauns dal Cussegl grond. Ulteriuras infurmaziuns davart quest pachet duain anc suandar, sco il chantun scriva. Ultra da quai ha la regenza er decidì da prolungar la protecziun finanziala per occurrenzas da publicum cun muntada chantunala enfin ils 31 da december 2022.

RTR novitads 11:00

Artitgels legids il pli savens