Chasa d'attempads e tgira - Regenza lubescha da schlargiar «Guggerbach» a Tavau

A Tavau po la fundaziun «Guggerbach» schlargiar la chasa d'attempads e da tgira existenta, che sa chatta amez il vitg. La regenza grischuna ha approvà la revisiun parziala da la planisaziun locala che lubescha d'eriger in nov bajetg sin ina parcella vischinanta. Il bajetg duai cuntegnair locals per occupaziun, s'inscuntrar ed auters intents socials, vitiers è previs ina garascha sutterrana.