En il Grischun han chatschaders e chatschadras sajettà quest onn en tut 5’393 tschiervs, 2'376 chavriels, 2976 chamutschs e 64 portgs selvadis. Quai ha communitgà l’Uffizi da chatscha e pestga.
Tar la chatscha da tschiervs e chavriels quinta surtut il dumber d'animals feminins sajettads per la finamira fixada. Cun 3'002 animals sajettads cun la finamira da 3'177 è la quota cuntanschida per 95%. Tar ils chavriels cun 2'376 sajettads a 98%.
Tenor l’uffizi sa tracti dad in fitg bun resultat total. Quasi tut las finamiras da regulaziun sajan vegnidas cuntanschidas. Gidà da cuntanscher quest resultat haja surtut l'aura favuraivla durant la chatscha speziala il november e december. Là èsi vegnì sajettà cunzunt tschiervs e chavriels feminins.