Il start da la chatscha da quest onn è ils 3 da settember. Chatschadras e chatschaders cumenzan perquai cun lur preparativas. Betg be cun spievlar e sajettar en las armas. Igl è er d'organisar ina patenta da chatscha. Nua ch'ins po retrair quella, publitgescha l'Uffizi da chatscha e pestga ils 12 d'avust sin sia pagina online u er en il Fegl uffizial.
En il Museum da la natira dal Grischun datti las patentas a partir dals 17 d'avust. Pajar pon ins las patentas sco fin uss cun daners bluts, u cun cartas da Maestro, da la Posta, cun cartas da credit sco er via Twint.
Quai dovri per ir per ina patenta
Avrir la boxSerrar la box
Per retrair ina patenta da chatascha en Grischun han ins da mussar:
la carta d'identitad
il cudeschet per las patentas da chatscha
il document davart l'assicuranza da responsabladad
il formular cun la conferma ch'i na dat naginas raschuns da refusar
il formular che la buis è vegnida sajettada en
la conferma da l'obligaziun da tir e segirezza da culp
per Grischuns, la conferma che la residenza principala è en Grischun.